اسلام ٹائمز۔ چیئرمین رویت ہلال کمیٹی نے سائنسی پیشگوئی پر 29 روزوں کا امکان ظاہر کر دیا۔ خصوصی گفتگو میں مولانا عبدالخبیر آزاد نے کہا عیدالفطر دس اپریل کو ہو سکتی ہے۔ محکمہ موسمیات اور فلکیات والوں کے مطابق نو اپریل کو چاند کی عمر بیس گھنٹے ہو گی اور چاند دس ڈگری پر موجود رہے گا۔ رویت ہلال کمیٹی فیصلے شریعت اور شہادت کی بنیاد پر کرتی ہے، عوام بھی انتیس ویں روزے چاند دیکھنے کا اہتمام کریں۔