اسلام ٹائمز۔ متحدہ علماء محاذ پاکستان کے بانی سیکریٹری جنرل مولانا محمد امین انصاری نے اپیل کی ہے کہ علماء جمعہ کے خطبات میں غزہ فلسطین پر تاحال جاری اسرائیلی جارحیت کے خلاف بیداری کی فضاء پیدا کریں۔ ایک بیان میں انہوں نے کہا کہ وحشیانہ مظالم کی مذمت، جنگ بندی، اسرائیلی مصنوعات کے بائیکاٹ کا مطالبہ کریں، بیت المقدس کی آزادی، مظلوم فلسطینی مسلمانوں کی کامیابی کیلئے خصوصی دعائیں کریں۔