لاہور، گورنر گلگت بلتستان سید مہدی شاہ کی چوہدری شجاعت حسین سے ملاقات

اسلام ٹائمز۔ گورنر گلگت بلتستان سید مہدی شاہ نے لاہور میں صدر مسلم لیگ ق چوہدری شجاعت حسین سے انکی رہائش گاہ پر ملاقات کی۔ اس موقع پر پنجاب کے صوبائی وزیر صنعت و تجارت شافع حسین بھی موجود تھے۔ گورنر گلگت بلتستان نے چوہدری شجاعت حسین سے ان کی طبیعت دریافت کی اور گلگت بلتستان آنے کی دعوت دی۔ دونوں کے درمیان ملک کی مجموعی سیاسی صورتحال سمیت گلگت بلتستان کے مسائل پر تفصیلی گفتگو ہوئی۔ گورنر گلگت بلتستان نے قومی اسمبلی، سینیٹ سمیت اہم پلیٹ فارمز پر گلگت بلتستان کی نمائندگی اور آئینی حقوق کے معاملے پر مسلم لیگ ق کے صدر و ممبران کی گلگت بلتستان کے ساتھ مکمل حمایت جاری رکھنے پر زور دیا۔