اسلام ٹائمز۔ بحرین میں آل سعود اور ڈکٹیٹرشپ کے مظالم کے خلاف گذشتہ سال فروری سے تاحال جاری عوامی تحریک میں بحرین کے تمام تر طبقات شامل ہیں۔ مرد و زن اور بزرگ اپنے روشن مسقبل اور آزادی کے لئے کوشاں ہیں۔ اسی عوامی تحریک میں بحرین کے کمسن بچوں کا کردار بھی کربلائی حیثیت کا حامل ہے، بحرین کے انسانی حقوق کمیشن کی طرف سے جاری ایک حالیہ تصویری رپورٹ کے مطابق غاصب و ظالم حکومت نے کی کارندوں نے گھروں کے اندر گھس کر تشدد کرنے کے بعد متعدد بچوں کی آنکھیں تک نکال لیں، معصوم بچوں پر انتہائی بدترین تشدد کی وہ تصاویر یہاں اس وجہ سےجاری نہیں دی جارہیں کہ کہیں کمزور دل و حساس قارئین کے لئے تکلیف کا باعث نہ ہوں، تاہم سڑکوں پر سراپا احتجاج بحرینی بچوں کے احتجاج پر مبنی کچھ تصاویر قارئین کے پیش خدمت ہیں۔
