اسلام ٹائمز۔ مانچسڑ میں "انگلش ڈیفنس لیگ" کا سٹی سنٹر کے سامنے احتجاجی مظاہرہ، مسلمانوں کیخلاف شدید نعرے بازی۔ انگلش ڈیفنس لیگ نے برطانیہ میں مقیم مسلمان کمیونٹی کیخلاف مظاہرہ کیا۔ اس موقع پر کسی بھی ناخوشگوار واقعہ سے نمٹنے کیلئے پولیس کی بھاری نفری تعینات تھی۔ پولیس کی جانب سے شہریوں بالخصوص مسلمانوں کو سٹی سنٹر کی جانب سے روکے رکھا گیا۔ پولیس کا کہنا تھا کہ انگلش ڈیفنس لیگ کے کارکن مشتعل ہیں، مسلمانوں کے سٹی سنٹر جانے سے صورتحال مزید کشیدہ ہوسکتی ہے۔ اس موقع پر مانچسٹر اسلامک سنٹر اور ڈیڈز بری مسجد کی سکیورٹی بھی بڑھا دی گئی۔
