اسلام ٹائمز۔ عراق کے عوام نے حالیہ برسوں کے دوران داعش جیسی خطرناک بلا کا پوری دلیری کے ساتھ جس طرح مقابلہ کیا اس کی مثال نہیں ملتی۔ داعش نے نہ صرف عراق کی ارضی سالمیت اور سلامتی کو خطرے میں ڈال رکھا تھا بلکہ پوری دنیا کے لئے سنگین خطرہ بن گئی تھی۔ داعش نے عالم اسلام کو جتنا نقصان پہنچایا ہے، اسلامی تاریخ میں اس کا سراغ نہیں ملتا۔ داعش کے جرائم اور تکفیریت کی پوری دنیا کی تاریخ میں کوئی مثال نہیں ملتی۔ داعش پر عراقی عوام کی کامیابی کو انسانیت کی کامیابی قرار دیا جا رہا ہے۔