صیہونی حملے میں لبنانی جماعت اسلامی کے دو کمانڈر شہید

اسلام ٹائمز۔ جنوبی لبنان میں میدون روڈ پر ایک سویلین گاڑی کیخلاف ہونے والے غاصب صیہونی رژیم کے ڈرون حملے میں جماعت اسلامی لبنان کی عسکری شاخ فجر فورسز کے 2 کمانڈر مصعب و بلال خلف شہید ہو گئے ہیں۔
 
عرب چینل المیادین نے گذشتہ شب اعلان کیا تھا کہ غاصب صیہونی رژیم نے جنوبی لبنان کے شہر البقاع میں ایک شہری گاڑی کو ڈرون طیارے کی مدد سے نشانہ بنایا ہے۔

شائع شدہ تصاویر سے ظاہر ہوتا ہے کہ مذکورہ کار جل کر مکمل طور پر تباہ ہو گئی ہے۔