اسلام ٹائمز۔ متحدہ قومی موومنٹ پاکستان کے رابطہ کمیٹی کے رکن و وفاقی وزیر سید امین الحق نے وفد کے ہمراہ مزار قائد پر حاضری دی اور پھولوں کی چادر چڑھائی۔ وفد نے برصغیر رہنما قائداعظم محمد علی جناح کو زبردست خراج عقیدت پیش کیا۔ اس موقع پر وفاقی وزید سید امین الحق نے قائداعظم محمد علی جناح کے مزار پر میڈیا نمائندگان سے گفتگو کرتے ہوئے آج ہم 75ویں جشن آزادی شایان شان طریقے سے منا رہے ہیں لیکن یہ آزادی ابھی ادھوری ہے جب تک ہم مکمل طور پر کشمیر کے مظلوم عوام کو ان کے حقوق آزادی کو مکمل طور پر دلا نہیں دیتے اس وقت تک چین سے نہیں بیٹھیں گے، کشمیر ہماری شہ رگ ہے اور اس کی حفاظت کیلئے ہم آخری حد تک جائیں گے۔ سید امین الحق نے مزید کہا کہ عالمی برادری کشمیریوں پر جاری ریاستی جبر کا نوٹس لیں اور بھارت کو مجبور کریں کہ وہ اپنے وعدوں کا پاس رکھتے ہوئے کشمیری عوام کو احق رائے کا حق دے اور کشمیریوں پر مظالم بند کریں۔