اسلام ٹائمز۔ خیبر پختونخوا کے وزیر اطلاعات میاں افتخار حسین نے کہا ہے کہ افغانستان کی جانب سے بار بار سرحدی خلاف ورزیاں حالات کی سنگینی کی طرف اشارہ کر رہی ہیں، پشاور میں قبائلی جرگے سے خطاب میں میاں افتخار حسین نے کہا کہ خطے کے حالات خراب کرنے میں بیرونی قوتوں کے ساتھ اپنے لوگ بھی ملوث ہیں جو دشمن کے آلہ کار بن کر قوم کو نقصان پہنچا رہے ہیں، میاں افتخار نے کہا کہ افغانستان کی جانب سے باربار سرحدی خلاف ورزیاں باعث تشویش ہیں، قبائلی جرگے سے عوامی نیشنل پارٹی کے سینیٹر افراسیاب خٹک نے خطاب کرتے ہوئے کہا کہ ایف سی آر کے قانون میں موجودہ ترامیم ناکافی ہیں اور اس قانون پر نظرثانی اور مزید ترامیم کی ضرورت ہے۔