اسلام ٹائمز۔ وزیر خارجہ حنا ربانی کھر نے کہا ہے کہ افغانستان میں جاری شورش کی وجہ سے پاکستان نے بہت زیادہ مسائل کا سامنا کیا ہے۔ پاکستان اور افغانستان میں افغان قیادت کے ذریعے مفاہمتی عمل کی کامیابی چاہتا ہے۔ جرمن اراکین پارلیمنٹ کے وفد سے ملاقات کرتے ہوئے وزیر خارجہ حنا ربانی کھر نے کہا کہ پرامن اور مستحکم افغانستان پاکستان کے مفادات میں ہے۔ انہوں نے کہا کہ یورپی یونین میں تجارتی مراعات کے لیے جرمنی کے تعاون کی قدر کرتے ہیں۔ تین رکنی جرمن پارلیمنٹیرینز کے وفد کا تعلق جرمنی کی حکمراں جماعت کرسچین ڈیموکریٹک پارٹی سے تھا۔ جرمن وفد نے دہشت گردی کے خلاف پاکستان کی کوششوں کی تعریف کی۔