اسلام ٹائمز۔ امریکی قونصل جنرل نے میڈیا میں آنے والی ان خبروں کی تردید کی ہے کہ سانحہ عباس ٹاﺅن کے حوالے سے امریکی خفیہ ایجنسی ایف بی آئی تحقیقات کر رہی ہے۔ اس حوالے سے امریکی قونصلیٹ سے جاری اعلامیہ میں امریکی قونصل جنرل نے بتایا ہے کہ امریکی خفیہ ایجنسی ایف بی آئی نے پاکستان میں قانون نافذ کرنے والے اداروں کی تربیت کی ہے اور اس حوالے سے ایف بی آئی اور پاکستانی اداروں کے درمیان پیشہ ورانہ تعلقات موجود ہیں۔ سانحہ عباس ٹاﺅن سے متعلق کسی بھی تحقیقات میں ایف بی آئی کوئی تحقیقات نہیں کر رہی اگر اس حوالے سے کوئی سوال ہو تو وہ پاکستانی حکام سے پوچھا جائے۔