نواز شریف سے مولانا فضل الرحمان کی ملاقات، طالبان سے مذاکرات پر تبادلہ خیال

اسلام ٹائمز۔ وزیراعظم نواز شریف سے جے یو آئی (ف) کے سربراہ مولانا فضل الرحمان نے ملاقات کی ہے جس میں طالبان سے باقاعدہ مذاکراتی عمل شروع کرنے پر تبادلہ خیال کیا گیا۔ ذرائع کے مطابق طے شدہ شیڈول سے ہٹ کر ہونے والی دونوں رہنماؤں کی ملاقات میں کراچی، بلوچستان اور خیبر پختونخوا میں امن و امان کی صورتحال پر بھی غور کیا گیا، اس موقع پر وزیراعظم نے دورہ امریکہ کے حوالے سے مولانا فضل الرحمان کو اعتماد میں لیا، جبکہ مولانا فضل الرحمن نے طالبان سے مذاکرات پر لیڈر شپ کے اتفاق کو خوش آئند قرار دیا ہے۔