اسلام ٹائمز۔ پشاور کے علاقہ ریگی میں پولیس کے مبینہ تشدد سے جاں بحق ہونے پر تھانہ ریگی میں ایلیٹ فورس کے ڈی ایس پی شاہ نواز خان کے خلاف دفعہ 302 کے تحت مقدمہ درج کر لیا گیا ہے ۔ جاں بحق شخص کے لواحقین اور اہل علاقہ نے پولیس کے خلاف ایف آئی آر اور کارروائی کا مطالبہ کیا تھا جس پر تھانہ ریگی میں ڈی ایس پی ایلیٹ فورس شاہ نواز خان کے خلاف دفعہ 302 کے تحت مقدمہ درج کر لیا گیا ہے ،مقدمہ درج ہونے کے بعد لواحقین نے لاش کو اٹھا کر پوسٹمارٹم کے لئے بھیج دیا ہے۔