اسلام ٹائمز۔ رکن قانون ساز اسمبلی، سابق چیف ایگزیکٹیو گلگت بلتستان و رہنما مسلم لیگ (ن) گلگت بلتستان حاجی فدا محمد ناشاد نے کہا ہے کہ گلگت بلتستان میں (ن) لیگ کی دور حکومت میں کسی کے ساتھ ناانصافی نہیں ہوگی اور کسی کے ساتھ ناانصافی ہو رہی ہے تو مسلم لیگی حکومت ان کے ازالے کے لیے اقدامات کریگی۔ انہوں نے کہا کہ بلتستان ریجن میں 462 اساتذہ کو نکالے جانے والی خبروں میں ابھی تک کوئی صداقت نہیں ہے اور انہیں نکالے نہیں جائیں گے۔ البتہ جن کے ڈگریاں جعلی ہیں یا غیرقانونی طور پر بھرتی ہوئے ہیں تو ان کے بارے میں قانون بنانے والے اداروں کے حکام مزید چھان بین اور مکمل تحققات کے بعد فیصلہ کیا جایئگا۔