اسلام ٹائمز۔ الخدمت فاونڈیشن گلگت بلتستان نے گلگت بلتستان کے کئی معذور بچوں میں ٹرائی سائیکل تقسیم کئے، الخدمت فاونڈیشن کمیونٹی سروسز کے ذریعے لوگوں کی مشکلات کو کم کرنے میں کوشاں ہے، اس سلسلے میں آنکھوں سے معذور افراد کیلئے سفید چھڑیوں اور متاثرہ علاقوں میں خوراک کی دستیابی کو یقینی بنایا جا رہا ہے۔ گلگت شہر میں پانی کی قلت کو کم کرنے کیلئے الخدمت فاونڈیشن نے شہر اور مضافات کے دس مقامات پر کمیونٹی واٹر ہینڈ پمپ تعمیر کر لئے ہیں جن کا افتتاح مارچ کے پہلے ہفتے متوقع ہے، بجلی کی کمی کو دور کرنے کیلئے 2 پائلٹ ہائیڈرو پاور پروجیکٹس بھی جلد شروع کئے جائینگے۔