اسلام ٹائمز۔ گلگت شہر کے وسطی علاقے مجینی محلہ (سادات محلہ) سے اسکول جاتے ہوئے لاپتہ ہونے والے المصطفٰی پبلک اسکول گلگت کے طالب علم سید میثم علی کی لاش آج شام کو برمس نالا سے برآمد ہو گئی ہے۔ تفصیلات کے مطابق معصوم طالب علم سید میثم علی ڈیڑھ ہفتہ قبل گھر سے اسکول جاتے ہوئے لاپتہ ہو گیا تھا۔ اسکی تلاش کیلئے اہل خانہ اور اہل محلہ بھرپور کوششں کر رہے تھے اور سوشل میڈیا پر کافی مہم چلائی گئی تھی مگر جمعرات کی شام کو بلآخر اس بدقسمت اور معصوم بچے کی لاش برمس نالے سے ملنے کی اطلاع موصول ہوئی تو اہلخانہ و اہل محلہ میں کہرام مچ گیا۔ دوسری جانب
اسلام ٹائمز کے رابطے پر سٹی پولیس اسٹیشن کے نمائندے نے بتایا کہ اس کیس کی ہر پہلو سے تحقیقات کی جائینگی اور اگر قتل کا شبہ درست ثابت ہوا تو ملزموں کا ضرور سراغ لگا لیا جائیگا۔