واشنگٹن:
اسلام ٹائمز-جنگ نیوز کے مطابق پاکستان اور امریکا کے درمیان اسٹریٹجک ڈائیلاگ میں سکیورٹی سے متعلق امور پر توجہ مرکوز کی جا رہی ہے۔امریکا کا مطالبہ ہے کہ حقانی گروپ سمیت پاکستانی طالبان کیخلاف مزید آپریشنز کئے جائیں لیکن پاکستانی وفد کا موقف ہے کہ کسی بھی گروپ کے خلاف کارروائی کا فیصلہ پاکستان کے قومی مفاد کو مدِ نظر رکھ کر کیا جائیگا۔
واشنگٹن میں ذرائع نے جیو نیوز کو بتایا کہ آرمی چیف جنرل اشفاق پرویز کیانی نے بدھ کو صدر اوباما کے ساتھ ملاقات کے دوران اُنہیں خطے کے تناظر میں تمام پاکستانی خدشات سے آگاہ کیا۔ذرائع کے مطابق جنرل کیانی اور صدر اوباما کے درمیان افغانستان کی صورت حال اور وہاں مستقبل میں فوجی حکمت عملی پر بھی بات چیت کی گئی۔ذرائع کا کہنا ہے کہ جنرل کیانی نے پاکستان کا موقف بھرپور انداز میں پیش کیا۔