اسلام ٹائمز۔ اسکردو شغرتھنگ کی تاریخ میں پہلی مرتبہ میڈیکل کیمپ کا انعقاد ہوا۔ ٹی بی کنٹرول پروگرام کے کوآرڈنیٹر و سینئر چیسٹ سپیشلسٹ ڈاکٹرمظفر حسین انجم نے وائلد لائف کی تعاون سے تقریباً تین لاکھ روپے مالیت کی ادویات تقسیم کیں اور تین سو سے زائد مریضوں کاچیک اپ کیا۔ تفصیلات کے مطابق اسکردو کے پسماندہ اور دور افتادہ گاؤں شغرتھنگ کی تاریخ میں پہلی مرتبہ ٹی بی کنٹرول پروگرام کے کوآرڈنیٹر و ڈسٹرکٹ ہسپتال کے سینئر چیسٹ کنسلٹنٹ ڈاکٹر مظفر حسین انجم نے علاقے میں ٹی بی کی مریضوں کی سکریننگ اور میڈیکل کے شعبے کے مریضوں کیلئے دو روزہ فری میڈیکل کیمپ کا انعقاد کیا۔ اس موقع پر انہوں نے تین سو سے زائد مریضوں کا چیک اپ کیا اور ان میں تقریباً تین لاکھ روپے مالیت کی ادویات بھی تقسیم کیں۔