بنوں میرانشاہ روڈ پر غیر معینہ مدت تک کرفیو نافذ

اسلام ٹائمز۔ بنوں، میران شاہ روڈ پر انتظامیہ نے سیکیورٹی خدشات کے باعث غیرمعینہ مدت کے لئے کرفیو نافذ کردیا ہے۔ پولیٹیکل انتظامیہ کے مطابق میران شاہ روڈ پر آج صبح سے کرفیو نافذ کردیا گیا ہے، کرفیو کے باعث بنوں میران شاہ روڈ کے تمام تعلیمی ادارے اور کاروباری مراکز بند کردیئے گئے ہیں، سیکیورٹی ذرائع کا کہنا ہے کہ علاقے میں سیکیورٹی خدشات ہیں، جس کے باعث کرفیو لگایا گیا۔