ایرانی وزیرخارجہ جواد ظریف 8 اپریل کو پاکستان کا اہم دورہ کریں گے

اسلام ٹائمز۔ یمن میں جاری لڑائی کے تناظر میں ایرانی وزیرخارجہ جواد ظریف 8 اپریل کو پاکستان کا اہم دورہ کریں گے۔ سفارتی ذرائع کے مطابق، ایرانی وزیرخارجہ اپنے دورے کے دوران مشیر خارجہ سرتاج عزیز اور وزیراعظم نواز شریف سے اہم ملاقاتیں کریں گے، ایرانی وزیرخارجہ اعلی ایرانی قیادت کا پیغام پاکستانی قیادت تک پہنچائیں گے۔ ذرائع کے مطابق، ایرانی وزیرخارجہ پاکستان میں دوطرفہ تعلقات سمیت یمن اور خطے کی تازہ صورتحال پر تبادلہ خیال بھی کریں گے۔ سفارتی ذرائع ایرانی وزیرخارجہ کے دورہ پاکستان کو انتہائی اہمیت دے رہے ہیں۔