شوال میں پاک فضائیہ کا فضائی حملہ 18 دہشتگرد ہلاک

اسلام ٹائمز۔ شمالی وزیرستان کے علاقے شوال میں جیٹ طیاروں کی بمباری سے 18 دہشت گرد ہلاک ہوگئے ہیں۔ پاک فوج کے ترجمان ادارے آئی ایس پی آر کی جانب سے جاری بیان میں کہا گیا ہے کہ پاک فضائیہ نے شوال میں دہشت گردوں کے ٹھکانے پر بمباری کر کے 18 دہشت گردوں کو ہلاک کیا ہے۔ ان کا کہنا ہے کہ بمباری کے نتیجے میں دہشت گردوں کے اہم ٹھکانے بھی تباہ ہوئے ہیں۔