اسلام ٹائمز۔ شہر قائد میں شدید گرمی کے باعث مختلف سرکاری و نجی اسپتالوں میں ہیٹ اسٹروک کے 7 مریض داخل ہوگئے ہیں۔ ڈائریکٹر ہیلتھ کے مطابق گرمی کی شدت سے ہیٹ اسٹروک کے مریض آنا شروع ہوگئے ہیں، مختلف سرکاری و نجی اسپتالوں میں داخل ہونے والے تمام مریضوں کو ابتدائی طبی امداد فراہم کی جا رہی ہے، جس کے بعد چند گھنٹوں میں مریضوں کو اسپتال سے ڈسچارج کر دیا جائے گا۔ محکمہ موسمیات کے مطابق کراچی کا درجہ حرارت 40 ڈگری سینٹی گریڈ تک پہنچ گیا ہے، جو کہ بڑھ کر 42 سینٹی گریڈ تک پہنچنے کا امکان ہے، ہوا میں نمی کا تناسب 12 فیصد ہے۔ محکمہ موسمیات کا کہنا ہے کہ کل شام سے درجہ حرارت میں کمی آنا شروع ہو جائے گی۔