اسلام ٹائمز۔ حکومت کی جانب سے عاشورہ محرم الحرام کی مناسبت سے جمعے اور ہفتے بمطابق 9 اور 10 محرم الحرام 23 اور 24 اکتوبر کو ملک بھر میں عام تعطیل کا اعلان کیا گیا ہے۔ اس کے ساتھ ہی شہر کے نجی تعلیمی اداروں کی جانب سے بھی چھٹیوں کا اعلان کردیا گیا ہے۔ نجی اسکولوں کی جانب سے جاری نوٹس کے مطابق طلبا اور اساتذہ کی حفاظت اور شہر کے حالات کے پیش نظر جمعرات تا اتوار تعطیلات کا اعلان کیا گیا ہے۔ جس کے مطابق جمعرات اور جمعے کو اسکول بند رہیں گے جبکہ ہفتہ اور اتوار کو معمول کی ہفتہ وار چھٹیاں ہوتی ہیں۔ مذکورہ شیڈول کے مطابق نجی تعلیمی اداروں کی جانب سے طلبا کو چار روز کی چھٹیاں مل گئی ہیں۔