اسلام ٹائمز۔ وزیراعظم نواز شریف دورہ کراچی کے موقع پر ہندوﺅں کے مذہبی تہوار دیوالی کی ایک تقریب میں شرکت کیلئے گئے، تو جہاں انہوں نے مذہبی رواداری، اقلیتوں کے حقوق، ان کیلئے مراعات اور خوبصورت الفاظ کا استعمال کیا، وہاں انہوں نے ہندوﺅں کے دو تہواروں کو مکس کرتے ہوئے دیوالی کو ہولی سمجھ لیا، اور تقریب کے شرکاء سے اس خواہش کا اظہار کیا کہ مجھ پر بھی رنگ پھینکیں، مجھے اچھا لگے گا، بعد ازاں انہوں نے اپنی بات کی تصحیح کرتے ہوئے کہا کہ میں دو تہواروں کو مکس کر گیا، جب ہولی ہو تو مجھے بی بلایئے گا، اور مجھ پر رنگ پھینکئے گا۔