اسلام ٹائمز۔ سعودی وزیر دفاع محمد بن سلمان السعود آج اہم دورے پر پاکستان پہنچیں گے۔ ذرائع کے مطابق مختصر دورے کے دوران سعودی وزیر دفاع وزیراعظم نوازشریف سے ملاقات کریں گے، ملاقات میں مشرق وسطیٰ کی صورتحال پر تبادلہ خیال کیا جائے گا۔ ملاقات میں سعودی عرب کو درپیش سکیورٹی چیلنجز پر بھی بات ہو گی، وزیراعظم نواز شریف سعودی وزیرکے اعزازمیں عشائیہ بھی دیں گے۔ واضح رہے کہ یمن میں شکست در شکست اور ترکی اور ایران کے درمیان ختم ہوتی کشمکش کی وجہ سے سعودی رجیم مخمصے کا شکار ہے۔