اسلام ٹائمز۔ شیعہ رہنماؤں سید فیصل رضا عابدی، علامہ مرزا یوسف اور علامہ احمد اقبال رضوی کی گرفتاری کے خلاف لاڑکانہ میں مجلس وحدت مسلمین کی جانب سے پریس کلب کے سامنے احتجاجی مظاہرہ کیا گیا۔ اس موقع پر ضلعی سیکرٹری جنرل مولانا محمد علی شر اور دیگر نے کہا کہ شیعہ علمائے کرام اور اکابرین کی بلاجواز گرفتاری کسی صورت میں قبول نہیں۔ انہوں نے مطالبہ کیا کہ بے گناہ اسیر بنائے گئے رہنماؤں کو آزاد کیا جائے بصورت دیگر احتجاج کا دائرہ وسیع کیا جائے گا۔