اسلام ٹائمز۔ مرکزی صدر متحدہ مجلس عمل مولانا فضل الرحمٰن نے کہا ہے کہ انتخابات کی شفافیت کے حوالے سے بعد میں بات ہوگی، خیبر پختونخوا میں تبدیلی دیکھ رہا ہوں۔ تفصیلات کے مطابق ڈیرہ اسماعیل خان کے علاقے عبدالخیل میں میڈیا سے گفتگو کرتے ہوئے ایم ایم اے کے صدر کا کہنا تھا کہ ملکی سطح پر حکومتی ڈھانچے ماضی سے مختلف ہوں گے، ایک بڑی جماعت کے سربراہ میاں نواز شریف کے جیل میں ہونے سے اچھا تاثر نہیں ملتا، عدالتی فیصلہ ہے کچھ کہہ نہیں سکتے۔ تاہم انہوں نے کہا کہ مسلم لیگ (ن) کا انتخابات میں حصہ لینا ایک اچھا فیصلہ ہے۔