اسلام ٹائمز۔ مہران ٹاؤن کورنگی میں کے ڈی اے کی جانب سے تجاوزات کے خلاف مہم کے دوران رہائشی آبادی کا احتجاج اور فائرنگ کے واقعہ پر آئی جی سندھ ڈاکٹر سید کلیم امام نے ڈی آئی جی ایسٹ سے جامع انکوائری اور پولیس اقدامات کی تفصیلات فی الفور طلب کرلی ہے۔ انہوں نے ایس ایس پی کورنگی کو ہدایات جاری کیں کہ وقوعے کے تناظر میں قواعد اور ضوابط میں رہتے ہوئے ہوئے قانون کی عمل داری کو یقینی بنایا جائے اور اس ضمن میں قانون پسند شہریوں کو بھی اعتماد میں لیا جائے۔ انہوں نے کہا کہ قانون پر عمل درآمد اور امن و امان کے حالات پر کنٹرول کے ساتھ ساتھ عوام کا تحفظ بھی پولیس کے بنیادی فرائض کا حصہ ہیں۔