اسلام ٹائمز۔ گورنر ہاؤس پشاور کو عجائب گھر بنانے کیلئے محکمہ آثار قدیمہ نے سروے مکمل کرلیا ہے۔ گورنر ہاؤس میں پڑے قدیمی اور تاریخی نوادارت کا ریکارڈ حاصل کرلیا گیا ہے۔ حکومت کی جانب سے احکام ملنے کے بعد اسے عوام کیلئے کھول دیا جائے گا۔ انٹری کیلئے باقاعدہ ٹکٹ لگانے کا بھی فیصلہ کیا گیا ہے۔ وزیراعظم عمران خان کی جانب سے گورنر ہاؤس پشاور کو عجائب گھر بنانے کا فیصلہ کیا گیا تھا۔ اس حوالے سے محکمہ آثار قدیمہ کے ترجمان نوازالدین نے بتایا کہ گورنر ہاؤس کا سروے کیا جاچکا ہے اور ہم حکومتی احکام کے منتظر ہیں۔