روس اور برطانیہ کے درمیان سرد مہری ختم، نئے سفارتی تعلقات کی ابتداء

انہوں نے کہا کہ تاہم روس کے ساتھ مختلف امور پر تعلقات کے لیے دروازے کھولے ہیں، ہم اپنے اتھادیوں کے ساتھ کھڑے رہیں گے اور ماسکو سے امید کرتے ہیں کہ وہ عالمی نظام کے واضع کردہ قوانین کے پاسداری کرے۔ دوسری جانب روس کی نیوز ایجنسی نے سفارتی ذرائع کا حوالہ دیا جس میں مذاکرات سے متعلق برطانیہ وزارت خارجہ کے سخت رویہ اختیار کیا۔ اس میں کہا گیا کہ جو کچھ (مذاکرات سے متعلق) لندن میں شائع ہوا، اس میں زبان اور مواد ملاقات سے متضاد ہے۔ ذرائع کے مطابق برطانیہ کی جانب سے روس پر مذاکرات کے لیے زور دیا گیا۔ واضح رہے کہ برطانیہ نے سابق روسی ایجنٹ کو زہر دینے سے متعلق واقعے میں روس کے صدرولادیمیر پوٹن کو اصل قصوروار ٹھہراتے ہوئے اقوام متحدہ کی سلامتی کونسل میں معاملہ اٹھانے کا فیصلہ کیا تھا۔ وزیر سیکیورٹی بین ویلس نے کہا تھا کہ ولادیمیر پوٹن پر زہر دینے کی تمام تر ذمہ داری عائد ہوتی ہے۔ انہوں نے کہا تھا کہ آخر کار وہ روس کے صدرہیں اور حکومت میں فنڈز اور ملٹری انٹیلی جنس کو وزارت دفاع کے ذریعے حکم موصول ہوتے ہیں۔