بھارتی فوج کی ایل او سی پر فائرنگ سے معمر خاتون اور نوجوان شہید

اسلام ٹائمز۔ بھارتی فوج کی ایل او سی پر بلااشتعال فائرنگ سے معمر خاتون اور ایک نوجوان شہید ہوگئے۔ پاک فوج کے شعبہ تعلقات عامہ کے مطابق بھارتی فوج نے ایل او سی نکیال اور رکھ چکری سیکٹرز پر بلا اشتعال فائرنگ کی جس میں انہوں ںے شہری آبادی کو نشانہ بنایا۔ آئی ایس پی آر کے مطابق بھارتی فوج کی فائرنگ سے 60 سالہ خاتون سلامت بی بی اور 13 سالہ ذیشان شہید ہوگئے جبکہ دو خواتین سمیت تین شہری زخمی ہوئے ہیں۔