وزیراعلیٰ خیبر پختونخوا کا شاہی ہروٹوکول میں دورہ چارسدہ

اسلام ٹائمز۔ وزیراعلیٰ خیبر پختونخوا محمود خان نے شاہی پروٹوکول میں متعدد گاڑیوں کے ہمراہ چارسدہ کا دورہ کیا، اس موقع پر انہوں نے میڈیا سے بات چیت کرتے ہوئے کہا کہ لاک ڈاون اور سماجی رابطوں کو کم کرنے کے حکومتی اقدامات عوام کے تحفط کے لئے ہیں، عوام اس سلسلے میں انتظامیہ کے ساتھ تعاون کرے، عوام کے تعاون کے بغیر حکومتی کوششیں کامیاب نہیں ہو سکتیں، حکومت اور پوری انتظامیہ عوام کے ساتھ ہے، احساس پروگرام کے تحت امددادی رقوم اصل حقداروں کو ملیں گی، اس میں شفافیت کو ہر لحاظ سے یقینی بنایا جائے گا، کوئی بھی غریب لوگوں کا حق نہیں مار سکتا۔ غریبوں کا حق مارنے کی کوشش کرنے والوں کو سخت سزائیں دیں گے۔