بھارت میں ایک دن میں کورونا وائرس کے ریکارڈ 29429 کیسز

اسلام ٹائمز۔ جان لیوا کورونا وائرس کے یومیہ کیسوں میں اضافہ کے درمیان گزشتہ 24 گھنٹوں کے دوران 29 ہزار سے زیادہ نئے کیسوں کی اطلاع ملی ہے جس کے بعد بھارت میں کورونا متاثرین کی تعداد 9.36 لاکھ کو عبور کرچکی ہے اور اسی مدت کے دوران ہی 20 ہزار سے زیادہ مریض صحتیاب بھی ہوئے ہیں۔ بدھ کے روز مرکزی وزارت صحت کی جانب سے جاری تازہ ترین اعداد و شمار کے مطابق ملک بھر میں گذشتہ 24 گھنٹوں کے دوران کورونا وائرس کے 29429 نئے کیس سامنے آئے ہیں، جس سے متاثرہ افراد کی تعداد بڑھ کر 936181 ہوگئی ہے۔ اس سے قبل مسلسل تین دن تک 28 ہزار سے زیادہ کیس رپورٹ ہوئے تھے۔