اسلام ٹائمز۔ تحریک حسینی پاراچنار کے زیراہتمام شہید قائد علامہ عارف حسین الحسینی کی برسی کا اجتماع 5 اگست کو پیواڑ میں ان کے مزار پر منعقد کیا جائے گا، جس سے صدارتی خطاب سابق سینیٹر اور تحریک حسینی کے سپریم لیڈر علامہ سید عابد حسین الحسینی کریں گے، جبکہ دیگر علمائے کرام اور عمائدین بھی خطابات کریں گے۔ کرم کے مخصوص حالات کے تناظر میں قومی مسائل کو خصوصی طور پر اجتماع کا موضوع بنایا جائے گا، جبکہ شہید قائد علامہ عارف حسین الحسینی کی سیرت و کردار پر روشنی ڈالی جائے گی۔ واضح رہے کہ تحریک حسینی کے زیراہتمام ہر سال شہید قائد کی برسی بھرپور انداز میں منائی جاتی ہے اور انہیں خراج عقیدت پیش کیا جاتا ہے۔