0
Monday 3 Aug 2020 00:01

سب سے طاقتور فضائی فورسز کی فہرست جاری

سب سے طاقتور فضائی فورسز کی فہرست جاری
اسلام ٹائمز۔ دنیا کی سب سے طاقتور فضائی فورسز کی فہرست جاری کر دی گئی، 13 ہزار 398 جنگی طیاروں کے ساتھ امریکہ دنیا کی سب سے بڑی فضائی طاقت، پاک فضائیہ 1281 جنگی طیاروں کے ساتھ ساتویں نمبر پر موجود۔ تفصیلات کے مطابق ملٹری ویب سائٹ گلوبل فائر پاور نے ایک خصوصی رپورٹ جاری کی ہے، جس میں دنیا کی طاقتور ترین فضائی فورسز کی فہرست اور تفصیلات جاری کی ہیں۔ رپورٹ میں شائع کردہ تفصیلات کے مطابق امریکہ 13 ہزار 398 جنگی طیاروں کے ساتھ دنیا کی سب سے بڑی فضائی طاقت کا حامل ملک ہے۔ فراہم کردہ تفصیلات کے مطابق اس فہرست میں پاکستان بھی شامل ہے جو ساتویں نمبر پر موجود ہے۔ پاکستان کے پاس کل 1281 جنگی طیارے ہیں اور یہ اسلامی ممالک میں سب سے زیادہ فضائی قوت والا ملک ہے۔ پاک فضائیہ کے کل اہلکاروں کی تعداد بھی 70 ہزار کے قریب ہے جبکہ فہرست میں روس دوسرے نمبر پر ہے جس کے پاس 4 ہزار 78 جنگی طیارے ہیں۔ چین تیسرے نمبر پر ہے اور اس کے جنگی طیاروں کی تعداد 3187 ہے۔

بھارت 2082 جنگی طیاروں کا مالک ہے اور دنیا بھر میں اس کا نمبر چوتھا ہے۔ جنوبی کوریا پانچویں نمبر پر ہے اور اس کے پاس 1614 طیارے ہیں۔ فرانس کے طیاروں کی تعداد 1248ہے اور وہ دنیا میں آٹھویں نمبر پر ہے۔ برطانیہ کی ایئر فورس میں 811 جنگی طیارے ہیں اور وہ 15ویں نمبر پر ہے۔ جبکہ اگر اسلامی ممالک کی فضائی قوت کا جائزہ لیا جائے تو پاکستان کے بعد مصر کے پاس مختلف قسم کے 1092 جنگی طیارے ہیں۔ ترکی کے پاس 1067 جنگی طیارے موجود ہیں۔ عرب ممالک میں مصر کے بعد دوسری بڑی فضائی طاقت کا مالک سعودی عرب ہے جسے 12ویں بین الاقوامی طاقت قرار دیا گیا ہے۔ الجزائر عرب دنیا میں تیسرے اور بین الاقوامی سطح پر 21 ویں، متحدہ عرب امارات عرب دنیا میں چوتھی اور عالمی سطح پر 22 ویں فضائی طاقت ہے۔ اس فہرست کے مطابق ایران دنیا میں فضائی قوت کے لحاظ سے 24ویں درجے پہ موجود ہے کہ جس کے پاس 509 طیارے موجود ہیں۔ جہاں دنیا کی طاقتور ترین فضائی فورسز کا ذکر کیا گیا ہے، وہیں ایسے ممالک کی فہرست بھی فراہم کی گئی ہے جو یا تو معمولی ترین فضائی طاقت کے مالک ہیں یا ان ممالک کے پاس فضائی طاقت ہے ہی نہیں۔ لائیبریا ایسا ملک ہے جس کے پاس ایک بھی جنگی طیارہ نہیں۔ مڈغا سکر کے پاس صرف 2 جنگی طیارے ہیں جبکہ جمہوریہ وسطی افریقہ 3 جنگی طیاروں کا مالک ہے۔
خبر کا کوڈ : 877959
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش