اسلام ٹائمز۔ گلگت بلتستان میں 15 اساتذہ سمیت 31 افراد میں کرونا وائرس کی تشخیص ہوگئی ہے۔ محکمہ صحت کے مطابق جمعہ کے روز جی بی میں 31 نئے کیسز سامنے آگئے جن میں سے 15 اساتذہ بھی شامل ہیں۔ ہیلتھ ڈیپارٹمنٹ کے مطابق جی بی میں کرونا وائرس سے متاثر ہونے والے اساتذہ کی تعداد 45 ہو گئی ہے۔ حالیہ دنوں میں گلگت بلتستان میں کرونا وائرس کے کیسز میں اضافہ دیکھنے میں آیا ہے۔ خصوصاً تعلیمی اداروں کے کھلنے کے بعد سے متعدد نئے کیسز سامنے آگئے ہیں۔ دوسری جانب مقامی انتظامیہ نے سکردو اور گلگت میں دوبارہ سمارٹ لاک ڈائون پر غور شروع کر دیا ہے۔