شام اور لیبیا میں مداخلت سامراجی جارحیت ہے، احمدی نژاد، شاویز

کراکس:اسلام ٹائمز۔اسلامی جمہوریہ ایران کے صدر احمدی نژاد اور وینزویلا کے صدر ہوگو شاویز نے کہا کہ مغربی ممالک کی شام اور لیبیا میں مداخلت سامراجی جارحیت ہے۔ ونیزویلا کے وزارت خارجہ کی جانب سے جاری بیان میں کہا گیا کہ ایرانی صدر احمد ی نژاد اور وینزویلا کے صدر ہوگو شاویز نے ٹیلی فون پر بات چیت کرتے ہوئے، مغربی ممالک کی طرف سے شام اور لیبیا میں پیدا کردہ صورتحال پر تبادلہ خیال کیا۔ دونوں رہنماؤں نے ان ممالک میں مغربی ممالک کی مداخلت کو سامراجی جارحیت قرار دیتے ہوئے، ان ممالک میں امن کیلیے اقدامات پر بھی اتفاق کیا۔ دونوں رہنماؤں نے رکن ممالک کی حیثیت سے پیٹرولیم برآمد کرنیوالے ممالک کی تنظیم اوپیک کے باہمی تعاون پر زور دیا۔