اسلام ٹائمز۔ محکمہ داخلہ پنجاب نے صوبائی کنٹرول روم کو فعال کر دیا ہے۔ کنٹرول روم میں تحریک لبیک کے مظاہروں کی لائیو رپورٹنگ کی جا رہی ہے۔ محکمہ داخلہ نے چھ چھ گھنٹے کی ایک شفٹ قائم کی ہے، جو مانیٹرنگ کے عمل کو سرانجام دے رہی ہے۔ مانیٹرنگ کیلئے ایڈیشنل سیکرٹریز اور ڈپٹی سیکرٹریز کی کنٹرول روم میں ڈیوٹی لگا دی گئی ہے۔ کنٹرول روم میں ڈی جی رینک کے افسران کی بھی ڈیوٹیاں لگائی گئی ہیں۔ ایڈیشنل چیف سیکرٹری ہوم مومن آغا خود کنٹرول روم کی سربراہی کر رہے ہیں۔