اسلام ٹائمز۔ کالعدم تحریک لبیک پاکستان کے سربراہ حافظ سعد رضوی کی نظر بندی کیخلاف لاہور ہائیکورٹ میں درخواست پر سماعت ہوئی۔ سعد رضوی کی نظر بندی کیخلاف درخواست حافظ سعد رضوی کے چچا امیر حسین نے دائر کی تھی۔ جسٹس طارق سلیم شیخ نے درخواست پر سماعت کی۔ عدالت نے فریقین کی دلائل سننے کے بعد نظر بندی کیخلاف درخواست خارج کر دی۔ پنجاب حکومت کی جانب سے ایڈیشنل ایڈووکیٹ جنرل ملک اختر جاوید پیش ہوئے۔ ایڈیشنل ایڈووکیٹ جنرل نے درخواست کے قابل سماعت ہونے پر اعتراض اُٹھایا۔ جس پر عدالت نے فریقین کے دلائل سننے کے بعد فیصلہ محفوظ کر لیا۔ بعدازاں عدالت نے فیصلہ سناتے ہوئے امیر حسین کی درخواست خارج کر دی۔