اسلام ٹائمز۔ پاکستان کے وزیراعظم عمران خان پانچ جولائی کو بلوچستان آئیں گے اور گوادر کا دورہ کریں گے۔ بتایا جا رہا ہے کہ دورے کے دوران مختلف ترقیاتی منصوبوں کا افتتاح کیا جائے گا۔ تفصیلات کے مطابق وزیراعلیٰ بلوچستان جام کمال خان اور صوبائی و وفاقی وزراء بھی اس دورے میں ان کے ساتھ ہونگے۔ مزید تفصیلات کے مطابق وزیراعلیٰ بلوچستان وزیراعظم کو صوبے میں جاری اہم منصوبوں کا دورہ کرائیں گے اور وزیراعظم کو گوادر پورٹ کی آپریشنل سرگرمیوں اور جاری ترقیاتی منصوبوں کے بارے میں بریفنگ دی جائیگی۔