دنیا افغانستان میں طاقت کے زور پر بنائی گئی حکومت قبول نہیں کرے گی، نیڈ پرائس

اسلام ٹائمز۔ ترجمان امریکی محکمہ خارجہ نیڈ پرائس نے کہا ہےکہ دنیا افغانستان میں طاقت کے زور پر بنائی گئی حکومت قبول نہیں کرے گی۔ جاری کیے گئے ایک بیان میں ترجمان امریکی محکمہ خارجہ نیڈ پرائس کا کہنا ہے کہ افغانستان میں اُسی حکومت کو تسلیم کیا جائے گا جسے عوامی حمایت حاصل ہو۔ انہوں نے کہا کہ اسی حکومت کو دنیا تسلیم کرے گی جو واضح اکثریت رکھتی ہو اور خاص طور پر انسانی حقوق کا احترام کرتی ہو۔ترجمان امریکی محکمہ خارجہ نے مزید کہا ہے کہ افغانستان میں حالیہ دنوں تشدد میں زیادہ ہاتھ طالبان کا ہے۔ نیڈ پرائس نے یہ بھی کہا ہے کہ 40 سال سے جاری تشدد کے خاتمے کا واحد ذریعہ افغان حکومت اور طالبان کے درمیان بات چیت ہے۔