اسلام ٹائمز۔ وزیر جامعات سندھ اسماعیل راہو نے وزیراعظم عمران خان کے مہنگائی سے متعلقہ اجلاس پر تبصرہ کیا ہے۔ کراچی سے جاری بیان میں اسماعیل راہو نے کہا کہ وزیراعظم عمران خان کا مہنگائی پر اجلاس کھودا پہاڑ نکلا چوہا کے مترادف ہے۔ انہوں نے کہا کہ یہ اجلاس مہنگائی کم کرنے کے لئے نہیں بلکہ بڑھانے کے لئے تھا۔صوبائی وزیر نے مزید کہا کہ وزیراعظم چینی، گندم، ادویات چور اور منافع خوروں کے سرپرست ہیں۔ انہوں نے استفسار کیا کہ گندم اور چینی کس کو فائدہ پہنچانے کے لئے درآمد کی جارہی ہے؟