اصغریہ کی مردہ باد امریکا و اسرائیل ریلیاں

اسلام ٹائمز۔ اصغریہ اسٹوڈنٹس آرگنائزیشن اور اصغریہ آرگنائزیشن پاکستان کے زیر اہتمام 16 مئی یوم مردہ باد امریکا کی مناسبت سے سندھ بھر میں مردہ باد امریکا ریلیوں کا انعقاد کیا گیا، جس میں بڑی تعداد میں طلباء و طالبات، نوجوانوں، بزرگوں، خواتین اور بچوں نے شرکت کرکے امریکا اور اسکی ناجائز اولاد اسرائیل سے اظہار بیزاری کیا، جبکہ امریکی و اسرائیلی پرچم بھی نذر آتش کئے گئے۔ حیدرآباد سمیت سندھ بھر میں نکالی گئی ریلیوں میں اصغریہ آرگنائزیشن کے مرکزی صدر فضل حسین اصغری، غلام رضا جعفری، استاد اخلاق احمد اخلاق، ارشاد حسینی سمیت مرکزی نمائندگان، علماء کرام، دانشور حضرات نے خطاب کئے۔