اسلام ٹائمز۔ چیف آف آرمی سٹاف کی جانب سے اور ایف سی ساؤتھ کے توسط سے ٹانک کے معذور اور غرباء افراد میں راشن تقسیم کیا گیا، ایک طرف پاک فوج اپنی عوام کو کرونا کی وباء سے بچانے کے لئے انتظامیہ کے ساتھ تعاون جاری رکھے ہوئے ہے جبکہ دوسری طرف پاک فوج دکھی انسانیت کی خدمت کے لئے انکے گھروں کی دہلیز پر راشن پہنچانے میں مصروف عمل ہے۔ ٹانک میں چیف آف آرمی سٹاف کی ہدایت پر اور ایف سی ساؤتھ کے توسط سے ڈگری کالج ٹانک میں معذور، دیہاڑی دار طبقہ، بیواؤں، یتیموں اور غرباء خاندانوں کی مشکلات میں کمی لانے کے لئے راشن تقسیم کیا گیا۔
