2019ء میں بھاجپا، آر ایس ایس اور فاشسٹ طاقتوں کا خاتمہ یقینی ہے، اشوک گہلوت

اشوک گہلوت: جی بالکل بی جے پی کی الٹی گنتی شروع ہوچکی ہے۔ لوگ ہمیں ابھی سے مبارکباد دے رہے ہیں۔ ہم ایمان داری اور محنت پر بھروسہ کرتے ہیں، ہم عوام سے جھوٹے وعدے نہیں کرتے۔ جھوٹے وعدے کرنے والوں کو لوگوں نے آزمایا، ابھی انہیں مسترد کرنے کا وقت آن پڑا ہے۔

اسلام ٹائمز: آپ نے راہل گاندھی کے ساتھ رہکر  بہت کام کیا ہے، ایک لیڈر کے طور پر راہل گاندھی کو آپ کس نگاہ سے دیکھتے ہیں۔؟
اشوک گہلوت: دیکھئیے، یہ بات میں پہلے بھی کہہ چکا ہوں اور اب بھی کہتا ہوں کہ راہل گاندھی ملک کے ایسے لیڈر ہیں جو سماج کے سب سے نچلے پائیدان پر کھڑے آدمی کے بارے میں سوچتے ہیں۔ وہ مہاتما گاندھی کے اس فلسفے کو مانتے ہیں کہ حکومت یا ریاست کی کوئی بھی پالیسی سماج کے سب سے پچھڑے پائیدان پر کھڑے انسان یا طبقے کو دھیان میں رکھ کر بنانا چاہیے۔ راہل گاندھی ملک کے قبائلی، دلت، پسماندہ اور مسلمانوں کے بارے میں سوچتے ہیں۔ وہ ملک کے غریب شخص کو نگاہ میں رکھکر سیاست کرنا چاہتے ہیں۔ راہل گاندھی ملک کے پالیٹیکل ڈسکورس کو بدلنا چاہتے ہیں اور نفرت کی سیاست کو ناپسند کرتے ہیں۔ راہل گاندھی سیاسی مخالفین سے نفرت کرنے میں یقین نہیں رکھتے۔ ان کے سیاست کرنے کا انداز بالکل مختلف ہے۔ صرف سیاسی لیڈر کے طور پر ہی نہیں بلکہ ایک انسان کے طور پر بھی وہ بہت حساس ہیں۔ آر ایس ایس و بی جے پی نے سوشل میڈیا کے ذریعہ باضابطہ مہم چلا کر راہل گاندھی کی شبیہ خراب کرنے کی کوشش کی اور اس کے لئے کروڑوں روپے خرچ کئے لیکن اب یہ غلط فہمی دور ہونے لگی ہے۔ آر ایس ایس اور بی جے پی کی قلعی کھل چکی ہے۔

اشوک گہلوت: مودی حکومت ملک کو برباد کرنے پر آمادہ ہے۔ کسان خودکشی کر رہے ہیں، تاجر خوفزدہ ہیں۔ میڈیا بھی خوف یا کسی مجبوری کے سبب ان کا ساتھ دے رہی ہے لیکن جمہوریت میں ایسا ہمیشہ نہیں چل سکتا۔ دوسروں کو چھوڑیے، خود ان کی پارٹی کے لوگ خوفزدہ ہیں۔ سچ بولنے کی ہمت کسی میں نہیں ہے۔ مودی حکومت کے وزراء بھی کچھ بولنے سے پہلے سو بار سوچتے ہیں۔ سب کے منھ پر تالا لگا ہوا ہے۔ کسی کی ہمت نہیں کہ نریندر مودی اور امت شاہ کی مرضی سے ہٹ کر کچھ بول دیں۔ میں یہ کہنا چاہتا ہوں کہ گذشتہ برسوں میں ملک کے اندر خوف کا راج چلتا رہا لیکن یہ اب زیادہ دنوں تک نہیں چلنے والا۔ کوئی حیرانی نہیں کہ اگلے انتخابات میں آپ کو ملک کی سیاست میں بڑی تبدیلی دیکھنے کو ملے گی۔ بی جے پی و آر ایس ایس اور فاشسٹ طاقتوں کا خاتمہ بھی عنقریب یقینی ہے۔

اشوک گہلوت: راہل گاندھی کی رہنمائی میں بھارت کی ہر ریاست کے لئے الگ الگ پالیسی تیار کی جائے گی۔ پارٹی کو مضبوط کرنا، کارکنان کو متحد کرنا اور جمہوری سوچ رکھنے والی پارٹیوں کو ایک پلیٹ فارم پر لانا کانگریس کی پہلی اور بڑی ترجیحات ہوںگی۔ راہل گاندھی کی سوچ کو نگاہ میں رکھ کر مثبت پالیسی کے ساتھ کانگریس انتخابی تشہیر کے لئے میدان میں اترے گی۔

اشوک گہلوت: دیکھئیے ہمارا ماننا ہے کہ اپوزیشن کمزور نہیں بلکہ بکھری ہوئی ہے۔ اگر 2014ء کے انتخابات کی بات کریں تو بی جے پی کو 31 فیصد ووٹ ملے تھے جب کہ اپوزیشن کو 69 فیصد ووٹ ملے۔ اس کا مطلب یہ ہے کہ ملک میں ان لوگوں کی تعداد زیادہ ہے جنھوں نے نریندر مودی و بی جے پی کی قیادت کو خارج کیا۔ اگر اپوزیشن متحد ہو کر 2019ء میں انتخابات لڑے گی تو بی جے پی کے پاس کچھ بھی نہیں بچے گا۔ یہ بات آر ایس ایس اور بی جے پی کے لوگ بھی اچھی طرح جانتے ہیں اس لئے وہ ذات اور مذہب کی بنیاد پر لوگوں کو بانٹنے والی سیاست کر رہے ہیں۔