ہم حزب اللہ کے قیام کی سالگرہ کو فخر سے مناتے ہیں، تیونسی رہنماء

الکحلاوی نے اس بات پر تاکید کرتے ہوئے کہ حزب اللہ نے 2006ء میں بھی غاصب صیہونی فوج کو شکست دی تھی، کہا کہ حزب اللہ نے اپنے بہترین جوانوں کو میدان جنگ میں وطن اور فلسطین پر قربان کر دیا۔ مقاومت نے دنیا کو حیران کر دیا اور اسرائیل کے لیڈروں کو مرعوب کر دیا ہے۔ انہوں نے اس بات کا ذکر کرتے ہوئے کہ حزب اللہ نے فلسطین کے اندر مزاحمت کو زندہ کیا، کہا کہ آپریشن ''شمشیر قدس'' فلسطین میں ہم نے غزہ اور مغربی کنارے کے اندر سے صیہونیوں پر مقاومتی میزائل گرتے دیکھے۔ تیونس کے ایک تجزیہ کار ممدوح عزالدین نے کہا کہ حزب اللہ نے عظیم کامیابیاں حاصل کیں، جس نے خطے میں صیہونی توازن کو تہہ و بالا کر دیا ہے، اس کے علاوہ غاصب صیہونیوں کے سامنے ہتھیار ڈالنے کا کلچر کی ممانعت اور ان کے مقابلے میں فتح و نصرت کا غالب آجانے کا سہرا حزب اللہ کے سر ہے۔ اس سلسلے میں لبنان میں حزب اللہ کی ایگزیکٹو کونسل کے سربراہ سید ہاشم صفی الدین نے تاکید کی کہ مزاحمت کے محور نے قاسم سلیمانی کی قیادت میں مستضعفین کی امیدیں بحال کیں اور امت اسلامیہ کی عزت اور تشخص کو بچانے کے لیے ہمیں نجات کی راہ پر ڈال دیا۔