ملتان:
اسلام ٹائمز۔ ملتان میں ایک مکان کی چھت گرنے کے باعث 2 بچے جاں بحق اور 4 افراد ہو گئے ہیں، مقامی ذرائع کا کہنا ہے کہ ملتان شہر کے محلہ کھٹکانا کے ایک مکان میں بچے ٹیوشن پڑھنے میں مصروف تھے کہ چھت اچانک گر گئی، جس کے بعد ریسکیو نے موقع پر پہنچ کر کارروائی کی، امدادی کارکنوں نے بچوں اور ان کی ٹیچر کو ملبے سے نکال کر نشتر ہسپتال منتقل کر دیا، لیکن 2 بچے 7 سالہ غلام محی الدین اور 12 سالہ تحرین جاں بحق ہو گئے جبکہ تین بچے اور ان کی ٹیچر زخمی ہو گئی، بتایا گیا ہے کہ متاثرہ مکان پیپکو کے ملازم سلیم اختر کا ہے، جہاں پر محلے کے بچے پڑھنے کے لئے آئے ہوئے تھے، چھت گرنے کی وجہ خستہ حال گارڈر بتائی جاتی ہے۔