فلسطینی مغربی کنارے میں صیہونی بس پر فائرنگ، 3 غاصب اسرائیلی شدید زخمی

اسلام ٹائمز۔ ''مغربی کنارے میں ایک صیہونی بس پر ہونے والی فائرنگ سے 2 اسرائیلی زخمی ہو گئے ہیں"، یہ الفاظ آج کی مزاحمتی کارروائی سے متعلق عبرانی میڈیا کی ابتدائی رپورٹ کے ہیں۔ بعد ازاں اسرائیلی چینل 12 نے بھی اعلان کیا کہ مغربی کنارے کے مشرقی قدیمی شہر اریحا (Jericho) میں ایک اسرائیلی بس پر فائرنگ ہوئی ہے جس کے نتیجے میں کم از کم 3 غاصب اسرائیلی زخمی ہوئے ہیں کہ جن میں سے 1 کی حالت نازک ہے۔  اس حوالے سے جاری ہونے والے اپنے ایک بیان میں غاصب صیہونی فوج کے ترجمان کا کہنا تھا کہ حملہ آور مزاحمتکار کا پیچھا جاری ہے جبکہ علاقے کی تمام سڑکوں کی ناکہ بندی کر دی گئی ہے۔