امریکی پولیس نے ییل یونیورسٹی سے فلسطین کے حامی درجنوں مظاہرین کو گرفتار کر لیا

اسلام ٹائمز۔ پیر کے روز کنیکٹی کٹ سٹیٹ پولیس نے کنیکٹی کٹ کی ییل یونیورسٹی میں صیہونی حکومت کو ہتھیار بھیجنے کے خلاف احتجاج کرنے والے درجنوں افراد کو گرفتار کر لیا۔ اسلامی جمہوریہ ایران کے خبر رساں ادارے فارس نیوز کے مطابق امریکی پولیس نے پیر کو کنیکٹی کٹ کی ییل یونیورسٹی میں فلسطین کی حمایت میں ہونے والے مظاہرے کے دوران کم از کم 40 مظاہرین کو گرفتار کر لیا۔ ییل اسٹیٹ پولیس نے کہا کہ انہوں نے دو بار مظاہرین کو منتشر ہونے کی تنبیہ کی ہے۔ میڈیا نے بتایا کہ پولیس نے ییل اخبار کے نامہ نگاروں کو دھمکی بھی دی ہے کہ اگر وہ اجتماع کی جگہ سے باہر نہیں نکلے تو انہیں گرفتار کر لیا جائے گا۔

غزہ کی پٹی پر صیہونی فوج کے ہمہ گیر حملے کے بعد، جس میں 34 ہزار سے زائد افراد جاں بحق ہوچکے ہیں، صیہونی حکومت کی واشنگٹن کی جانب سے ہر طرح کی حمایت کے خلاف کئی امریکی یونیورسٹیوں میں کشیدگی بڑھ گئی ہے۔ یہ اس حقیقت کے باوجود ہے کہ امریکی ایوان نمائندگان نے چند روز قبل صیہونی حکومت کے لیے مزید 26 ارب ڈالر کی امداد پر اتفاق کیا ہے۔