حنا ربانی کھر سے امریکی سفیر کیمرون منٹر کی ملاقات

اسلام ٹائمز۔ وزیر خارجہ حنا ربانی کھر سے پاکستان میں متعین امریکی سفیر کیمرون منٹر نے ملاقات کی۔ پاک امریکہ تعلقات پر پارلیمنٹ کی سفارشات کے بعد یہ امریکی سفیر کی وزیر خارجہ کی پہلی ملاقات ہے۔ اس موقع پر پارلیمانی سفارشات پر گفتگو ہوئی۔ امریکی سفیر کا کہنا تھا پاکستان کی پارلیمنٹ کے فیصلے کا احترام کرتے ہیں۔ امریکی محکمہ خارجہ کا بیان آچکا ہے کہ پاکستانی پارلیمنٹ جو بھی فیصلہ کرے گی امریکا کو منظور ہو گا۔